परुळे येथील ऐतिहासिक देवस्थान म्हणजे श्री. देव आदिनारायण. हे मंदिर सुमारे साडेसातशे वर्षांपुर्वीचे आहे. जगातील केवळ दोन प्राचीन सुर्यमंदिरांपैकी एक म्हणजे श्री. देव आदिनारायण मंदिर होय. मुर्ती व देवालय पश्चिमाभिमुख आहे. ही मुर्ती काळ्या पाषाणातील आहे. देवांचे वाहन रथ आहे. त्यामुळे रथसप्तमीचा उत्सव मोठ्या प्रमाणात साजरा होतो. प्रशस्त सभामंडप, सुसज्ज भक्तनिवास अशी व्यवस्था देवस्थानने केली आहे. इथे नेहमी भाविकांची वर्दळ असते.